Жұқаевтың АҚШ-тағы турнирдегі алғашқы қарсыласы анықталды

Қазақстандық теннисші Бейбіт Жұқаевтың (ATP рейтингінде 325-орын) Американың Тайлер қаласында өтіп жатқан турнирдегі алғашқы қарсыласы анықталды, деп хабарлайды Prosports.kz.

Отандасымыз тунистік Азиз Дугазбен (220) кездеседі. Кездесу 5 маусым күні Астана уақытымен 21:00-де басталады.

Айта кетейік, бұған дейін Жұқаев Литтл-Роктағы турнирдің финалына шыққан. Бірақ эстониялық Марк Лаялға (311) 4:6, 5:7 есебімен есе жіберді.