Путинцева «Ролан Гаррос» турнирінде қанша сыйақы алды

Қазақстандық теннисші Юлия Путинцева (WTA рейтингінде 58-орын) «Ролан Гаррос-2023» турнирінде қанша сыйақы алатыны белгілі болды, деп хабарлайды Prosports.kz.

Турнирдің жекелей сынында Путинцева үшінші айналымға дейін жетті. Осылайша ол 142 000 еуро сыйақы мен 130 рейтингтік ұпайға ие болды.

Айта кетейік, отандасымыз бірінші айналымда бельгиялық Марина Заневскаяны (89-орын) – 7:5, 7:6, екінші айналымда қытайлық теннисші Чжэн Циньвэньді (19-орын) – 6:3 4:6, 6:2 есебімен жеңсе, үшінші айналымда АҚШ өкілі Слоан Стивенстен (30-орын) 3:6, 6:3, 2:6 есебімен жеңілді.