Нұрсұлтанов жеңіліп көрмеген жапон боксшысын нокаутқа түсірді
Қазақстандық боксшы Мейірім Нұрсұлтанов жеңіліп көрмеген жапониялық Кадзуто Такесаконы нокаутқа түсіріп, WBO International белбеуін қорғап қалды, деп хабарлайды Prosports.kz.
Жекпе-жек Инчхонда (Оңтүстік Корея) өткен бокс кешінің басты кездесуі болды. Орта салмақтағы жекпе-жек сегізінші раундта аяқталды.
Нұрсұлтанов кәсіпқой бокста 19 жекпе-жек өткізіп, бәрінде жеңіске жетті, оның 11-і мерзімінен бұрын аяқталды. Жапон боксшысы 15 жеңіс пен 1 тең нәтижеден кейін мансабындағы алғашқы жеңілісіне ұшырады.
Нұрсұлтанов WBO рейтингінде төртінші орында тұр. Бұл салмақтағы чемпиондық белбеу жерлесіміз Жәнібек Әлімханұлына тиесілі.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или