Өзбекстанның атақты боксшысы екі чемпиондық титулынан айырылып қалды
<span>АҚШ-тың Сан-Антонио қаласында өткен бокс кешінде өзбек боксшысы Муроджон Ахмадалиев Филиппин өкілі Марлон Тапалестен жеңіліп қалды, деп хабарлайды Prosports.kz тілшісі Nur.kz сайтына сілтеме жасап.</span>
<span>Он екі раундқа жоспарланған жекпе-жек Boeing Center at Tech Port кешінінде өтіп, жеңімпаз төрешілердің шешімімен анықталған. </span>
<span>Нәтижесінде Филиппин өкілі Марлон Тапалестің асығы алшысынан түсті.</span>
<span>Ал кәсіби рингте алғаш рет жеңіліп отырған өзбек боксшысы екі титулынан айырылып қалды. Олар Дүниежүзілік бокс қауымдастығы (WBA Super) және Халықаралық бокс федерациясы (IBF) белбеуі. </span>
<span>Айта кетейік, кездесу басталғанға дейін спорт сарапшылары мен жанкүйерлер Муроджон Ахмадалиев жеңіске жетеді деп болжаған еді. Алайда Марлон Тапалес білгенінен жаңылмай, жоғарғы деңгейде өнер көрсетті.</span>
