Қазақстандық дзюдошы Тбилисидегі «Үлкен дулыға» турнирінде бесінші орын алды

Қазақстандық дзюдошы Ғұсман Қырғызбаев Тбилисиде (Грузия) өтіп жатқан «Үлкен дулыға» сериясының халықаралық турнирінде бесінші орын алды, деп хабарлайды Prosports.kz .

66 келі салмақ дәрежесіндегі белдесуде ол украиналық 26 жастағы спортшы Богдан Ядовпен кездесті.

Қазақстандықтар рейтингтік турнирде барлығы екі қола медаль жеңіп алды. Бұған дейін 60 келіге дейінгі салмақта Мағжан Шамшадин қазақстандық дербиде қола жүлдеге қол жеткізген болатын.

Еске салайық, Қырғызбаевтан бөлек, бұл санатта тағы бір қазақстандық - Ермек Амангелді сынға түсіп, турнирдің топтық кезеңінде әзірбайжандық Камран Сулеймановтан жеңіліп қалған болатын.