Қазақстан кубогы матчтардың тікелей трансляциясы. В тобының 2-туры

21 наурызда Шымкентте футболдан Қазақстан кубогының бастапқы кезеңі аясында В тобында 2-тур ойындары өтеді, деп хабарлайды Prosports.kz.

Астана уақытымен сағат 12:00-де «БИІК» стадионында «Тараз» бен елордалық «Жеңіс» футболшылары кездеседі. Астаналықтар екінші жеңіске жетуге тырысады. Тараздықтар негізгі айналымға шығу мүмкіндігін жоғалтпау үшін бар күш-жігерін салып, үш ұпай алуы керек.

Елорда уақытымен сағат 15:00-де «Арыс» пен семейлік «Елімай» кездесуі басталады. Самат Смақов шәкірттеріне «Жеңістен» жеңілгеннен кейін шегінерге жер жоқ. Арыстықтар тағы да үш ұпай жинап, В квартетінде бірінші орынға үміткерлер қатарынан қалмауға тырысады.

Фото instagram.com/jenisfk.kz