«Астана» капитаны алдағы «Ақтөбеге» қарсы матч туралы пікір білдірді

«Астана» капитаны Абзал Бейсебеков «Жетісумен» өткен ойынды қорытындылап, «Ақтөбеге» қарсы өтетін кездесуден не күтетін айтты, деп хабарлайды Prosports.kz тілшісі клуб баспасөз қызметіне сілтеме жасап.

– Алматыдағы ойын оңай болған жоқ, бапкерлер штабы қойған нұсқауларды толықтай іске асырдық. Оң нәтижеге жетіп, елордаға жеңіспен оралғанымызға өте қуаныштымыз.

– Келесі кездесу «Ақтөбемен» өтеді. Бұл ойын туралы не айтасыз?

– Бұл өз алаңымызда өтетін маңызды матч, бізге жанкүйерлеріміздің қолдауы керек. Өз тарапымыздан көңілден шығар ойын өткізіп, үш ұпай алу үшін бар күшімізді саламыз. Баршаңызды аталған ойында күтеміз.