Қазақстандық клуб грузиялық екі легионермен келісімшартқа отырғанын хабарлады

«Астана» екі грузин легионері Торнике Дзебниаури мен Шота Шекиладземен келісімшартқа отырғанын жариялады, деп хабарлайды Prosports.kz.

Екі ойыншы да Тбилисидің «Локомотивінен» ауысты. Бұл спортшылар үшін бірінші шетелдік тәжірибе.

Торнике - жартылай қорғаушы, 1999 жылы туған. Еровнули лигасында (Грузия жоғарғы дивизионы) 118 матч (3 гол), УЕФА конференц-лигасында 2 матч және Грузия жастар құрамасының сапында 7 ойын өткізді. Грузия кубогының иегері.

Шота – шабуылшы, 2000 ж.т. Грузия чемпионатында 92 ойын өткізіп, 8 гол соққан. Грузия жастар құрамасында үш матчқа қатысып, екі гол соққан.