«Ақтөбе» Түркиядағы оқу-жаттығу жиынын аяқтады

«Ақтөбе» Түркиядағы жиынын аяқтады, деп хабарлайды Prosports.kz тілшісі клуб баспасөз қызметіне сілтеме жасап.

Команданың жаңа маусым алдындағы қорытынды дайындығы 1-24 ақпан аралығында өткен болатын.

Андрей Карпович шәкірттері Анталиядағы кезекті оқу-жаттығу жиыны аясында бірқатар бақылау матчтарын өткізіп, командаға жаңа ойыншылар қосылды.

«Ақтөбе» өз жиынын тәмамдап, елордаға ұшып келді. Астанадағы бір апталық дайындықтан соң алдағы біріншіліктің алғашқы матчын ойнау үшін ақ-қызылдар Алматыға аттанады.

Еске сала кетейік, 4 наурыз күні ақтөбеліктер сырт алаңда талдықорғандық «Жетісумен» матч өткізеді.