Түркиялық жанкүйерлер Қазақстан мен басқа да елдердің құтқарушыларына алғыс білдірді
"Трабзонспор" клубының жанкүйерлері жойқын жер сілкінісінен кейін Түркияға көмекке келген құтқару топтарына алғыс айтты, - деп хабарлайды Tengri Sport.
Перформанс Конференция лигасының плей-офф кезеңінде түрік клубы мен швейцариялық "Базель" арасындағы ойын алдында болды.
- Әсерлі сюжет: құтқарушы, бала және ит. Протео атты ит қиранды астынан адамдарды іздестіріп, қажып, күші сарқылғанда өліп қалады, - деп жазды БАҚ Трабзондағы стадионда көрсетілген көріністі түсіндіріп.
Құтқарушының дулығасында үйінді астынан адамдарды іздестіру және құтқару үшін құтқарушылар жіберген елдердің туы бейнеленген. Алғыс тізімінде Қазақстанның туы да бар.<br /><br />Еске салайық, дүйсенбі, 6 ақпанда Түркияның оңтүстік-шығыс бөлігінде екі күшті дүмпу болып, Сирияның бірнеше провинциясы да зардап шеккен.