Рахмонов UFC шешіміне наразылық білдірді

Қазақстандық файтер Шавкат Рахмонов ұйым америкалық Брайан Барберенамен жекпе-жек ұйымдастырудан бас тартқан соң UFC-ге наразылық білдірді, деп жазады Prosports.kz.

«UFC, мен дайынмын, ол дайын, тағы не керек?» — деп жазды Рахмонов Stories-інде.

Айта кетейік, Шавкат Рахмонов 15 қаңтарда Лас-Вегаста Джефф Нилмен жекпе-жек өткізуі керек еді, алайда қарсыласы жараланып қалғандықтан кездесуден бас тартты. Содан кейін Барберена Нилдің орнына октанонға шығуға дайын болған, бірақ UFC оны Шавкатпен кездестіруден бас тартты.