2022 жылдың ең қымбат трансферлер рейтингі жарияланды

Transfermarkt порталы 2022 жылдың ең қымбат трансферлер тізімін жариялады, деп хабарлайды Prosports.kz.

Рейтинг көшбасшысы вингер Антони атанды, оны «Манчестер Юнайтед» «Аякстан» 95 миллион еуроға сатып алған.

Екінші орынды «Ювентус» шабуылшысы Душан Влахович иеленді. Туриндік клуб ойыншы үшін «Фиорентинаға» 81,6 миллион еуро төлеген. Үздік үштікті «Лестерден» 80,4 миллион еуроға «Челсиге» ауысқан қорғаушы Уэсли Фофана түйіндеді.

2022 жылғы топ-10 ең қымбат трансферлер:

1. Антони («Аякстан» «Манчестер Юнайтедке») – 95 млн еуро;

2. Душан Влахович («Фиорентинадан» «Ювентуске») – 81,6 млн еуро;

3. Уэсли Фофана («Лестерден» «Челсиге») – 80,4 млн еуро;

4-5. Орельен Тчуамени («Монакодан» «Реалға») – 80 млн еуро;

4-5. Дарвин Нуньес («Бенфикадан» «Ливерпульге») – 80 млн еуро;

6. Каземиро («Реалдан» «Манчестер Юнайтедке») – 70,65 млн еуро;

7. Александер Исак («Реала Сосьедадтан» «Ньюкаслға») – 70 млн еуро;

8. Маттейс де Лигт («Ювентустан» «Баварияға») – 67 млн еуро;

9. Марк Кукурелья («Брайтоннан» «Челсиге») – 65,3 млн еуро;

10. Эрлинг Холанд («Боруссия» Дортмундтан «Манчестер Ситиге») – 60 млн еуро.