Головкиннің келесі жекпе-жегі қашан өтетіні айтылды

WBA Super, IBF және IBO нұсқалары бойынша орта салмақтағы әлем чемпионы қазақстандық Геннадий Головкин келесі жекпе-жегін келесі жылы наурыз айында өткізуі мүмкін, деп жазады Nur.kz.

Геннадий Головкиннің келесі қарсыласы Бразилия өкілі Эскива Фалькао болуы мүмкін. Бұл туралы былғары қолғап шебері жергілікті басылымға берген сұхбатында айтқан.

Бразилиялықтың сөзінше, жекпе-жек келесі жылдың наурыз айына жоспарланған. Эскива Фалькао қаңтар айының басында АҚШ-қа барып, Головкинмен өтетін кездесуге дайындық жұмыстарын бастайды деп күтілуде.

«Жекпе-жек наурыз айының соңында өтеді деп күтілуде. Бұл IBF белгілеген мерзім болып табылады. Мен өзіме өте сенімдімін және осы жекпе-жекке немқұрайлы қарамаймын», - деді Эскива Фалькао.