«Арлан» «Барыстың» бұрынғы ойыншысымен келісімшарт жасасты

24 жастағы шабуылшы Алексей Зубов «Арлан» сапына қосылды, деп хабарлайды Prosports.kz тілшісі көкшетаулық клубтың баспасөз қызметіне сілтеме жасап.

Ол Өскемен хоккей мектебінің түлегі. Орталық шабуылшы ретінде Алексей жастар лигасында өзін анық көрсетіп, команда көшбасшыларының біріне айналды. Ол екі маусым бойы «Омские Ястребы» сапында өнер көрсетіп, 37 (13+24) ұпай жинаған.

Жалпы шабуылшы Қазақстан чемпионатында 103 кездесу өткізіп, 87 (28+59) ұпай жинаған. Ойыншы осы маусымды Өскеменде бастады, «Торпедо» сапында 10 матчта 2 гол соғып, 4 нәтижелі пас берген. Ойыншымен келісім осы маусымның соңына дейін есептелген.