Әли Ахмедов WBC рейтингінің екінші нөмірімен жекпе-жек тағайындалғаннан кейін мәлімдеме жасады
Қазақстандық боксшы Әли Ахмедов (19-1, 14 КО) рингке шығатын күнді тағатсыздана күтіп жүргенін айтып, жанкүйерлерінен оның келесі жекпе-жегін қай қарсыласпен көргісі келетіндерін сұрады, деп хабарлайды Prosports.kz.
«Рингке шығатын күнді күтемін. Менің келесі жекпе-жегімді кіммен көргіңіз келеді? – деп жазды 27 жастағы алматылық спортшы Instagram парақшасында.
Айта кетейік, Дүниежүзілік бокс кеңесі (WBC) Акапулькода өткен конвенцияда Әли Ахмедовке жеңіліп көрмеген француз Кристиан М'Биллимен (22-0, 20 КО) жекпе-жек өткізуді тағайындады.
Жекпе-жек іріктеу кезеңі мәртебесіне ие болады. М'Билли - WBC Super орта салмақта екінші орында тұр және WBC Continental Americas чемпиондық белбеуі еншісінде бар.
Ахмедов, өз кезегінде, екінші орта дивизионда WBC рейтингінде оныншы орынға ие және 17 қыркүйекте Лас-Вегаста америкалық Габриэль Росадомен (26-16-1, 15 КО) жекпе-жекте жеңіп алған WBC Silver белбеуінің иесі.