Шымкенттік полиция қызметкері аралас жекпе-жектен Азия чемпионы атанды
Шымкенттік полиция қызметкері Қымбат Ахмет Азия чемпионы атанды, деп хабарлайды Prosports.kz тілшісі Polisia.kz сайтына сілтеме жасап.
25 қазан мен 2 қараша аралығында Душанбе қаласында аралас жекпе-жектен Азия чемпионаты өткізілуде.
Жарыста Азияның 22 мемлекетінен келген 500-ге жуық спортшы өзара бақ сынауда. Қазақстан намысын қорғауға үздік 37 спортшы барған.
Шымкент қаласы ПД Жылдам қимылдайтын арнайы жасақтың инспекторы Қымбат Ахмет 47 келі салмақта Азия чемпионы атағын жеңіп алды.
