Зульфия Чиншанло Азия чемпионатында үздік спортшы атанды

Бахрейн Корольдігінде өткен ауыр атлетикадан Азия чемпионатында үздік құрамалар мен спортшылар анықталды, деп жазады Prosports.kz сайты.

Жалпыкомандалық есепте Қазақстан әйелдер құрамасы 550 ұпай жинап, Азия құрлығындағы үздік үш құраманың қатарына енді. Ал ұлттық құраманың көшбасшысы Зүлфия Чиншанло Азия чемпионатының үздік спортшысы атанды.

Қазақстан ерлер құрамасы болса 658 ұпаймен Азияның үздік командасы атағына ие болды.