Ресейлік футболшы «Шахтерға» қаралымға келді

Қорғаушы Федор Первушин қарағандылық «Шахтерға» қаралымға келді, деп хабарлайды Prosports.kz тілшісі Meta-ratings.kzz сайтына сілтеме жасап.

28 жастағы қаптал қорғаушысының кейінгі клубы волгоградтық «Ротор» болды. Первушкин өткен маусымда ҰФЛ-да 20 матч өткізіп, 2 нәтижелі пас берген.

Сондай-ақ, ол «Сахалин», «Шинник», «Факел» және «Нефтехимик» командаларында өнер көрсеткен.

Еске салайық, бұған дейін Федор Первушин «Ақтөбеде» қаралымда болып, «Томьға» (0:1) қарсы бақылау матчына қатысқан, бірақ келісімшартқа қол қойылмады.