Дзюдодан Азия чемпионаты: Қазақстан құрамасы 4-орында келеді
<span>Елордада өтіп жатқан дзюдодан Азия біріншілігінде екінші жарыс күнінен кейін ел құрамасы жалпы командалық есепте қай орында келе жатқаны белгілі болды, деп хабарлайды Prosports.kz тілшісі ҚазАқпаратқа сілтеме жасап. </span>
<span>Қазіргі дейін қазақстандық спортшылар 1 алтын, 1 күміс, 2 қола медаль алды. Нәтижесінде олар жалпы командалық есепте төртінші орында тұр. </span>
<span>Ел құрамасынан Данияр Шамшаев (73 келі) алтын, Абиба Абужакынова (48 келі) күміс, Мағжан Шәмшадин пен Ғұсман Қырғызбаев (66 келі) қола медаль алды.</span>
<span> Бұл бойынша Жапония 8 (5-3-0) медальмен бірінші орында келеді. Одан кейінгі орындардағы Моңғолияның 5 (2-0-3), Өзбекстанның 7 (1-2-4) медалі бар. </span>
<span>Айта кетерлігі, екінші жарыс күніндегі нәтиже бойынша барлығы тоғыз елден балуандар жүлдеге қол жеткізді. Олардың қатарына аталған құрамалардан өзге Оңтүстік Корея, Қытай, Тәжікстан, Тайвань, Қырғызстан, Біріккен Араб Әмірлігі спортшылары енгізілген. </span>
<span>Айта кетейік, құрлықтық дода 7 тамыз күні мәресіне жетеді. Жекелей сынның соңғы жарыс күнінде ерлер арасында 90, 100 және 100-ден жоғары салмақтағы балуандар, әйелдер арасында 78 және 78 келіден жоғары салмақтағы спортшылар белдеседі. </span>
<span>Аталған додада Азияның 19 елінен келген 200-ден астам балуан 14 салмақта бақ сынауда. Олардың қатарында еліміздің атынан 18 балуан қатысып жатыр.</span>
<br /><br />