Қазақстандық балуандар Румынияда өткен турнирде 11 медаль алды

Қазақстандық еркін күрес шеберлері Бухарестте (Румыния) өткен халықаралық турнирде 11 медаль жеңіп алды.

Данияр Қайсанов (74 келіге дейін) және Әділет Дәулімбаев (92 келіге дейін) алтын медаль иеленді.

Екінші орынға Абзал Өкенов (57 келіге дейін), Жігер Зәкіров (79 келіге дейін), Юсуп Батырмұрзаев (125 келіге дейін) ие болды.

Ал Дәулет Ергеш (79 келіге дейін), Бейбарыс Нұрыллаұлы (79 келіге дейін), Ислямбек Ислямов (86 келіге дейін), Бекзат Үркімбай (97 келіге дейін), Серік Бақытханов (92 келіге дейін), Олег Болтин (125 келіге дейін) үшінші орын алды.