Владислав Кочергин «Астанаға» қарсы өткен екі ойын туралы пікір білдірді

Владислав Кочергин «Астанаға» қарсы өткен екі ойын туралы пікір білдірді

«Ракув» командасының жартылай қорғаушысы Владислав Кочергин Prosports.kz тілшісіне берген эксклюзив сұхбатында Конференциялар лигасы аясында «Астанаға» қарсы өткен екі ойын туралы пікірін бөлісті.

- Владислав, қарымта матчтың нәтижесіне баға беріңізші.

- Қиын қарсыласқа қарсы жақсы ойын болды. «Астана» сапында мықты ойыншылар бар екенін байқауға болады, бірақ біз оны біліп, дайындалдық. Біз жақсы ойынға дайындалып, қарсылас алғашқы минуттардан бастап шабуылға шығады деп күттік.

- Стадионның атмосферасы қалай?

– Стадион тамаша, бірақ алаң жасанды – бұл минус.

 

– Ойынды көріп отырып, сіздер босаңсып ойнағандай көріндіңіздер. Бұл бірінші ойынның нәтижесіне байланысты ма?

- Жоқ, бапкер бізді Честоховадағы есепті ұмытып, жеңіс үшін ойнауға дайындады. Негізінде, біз футболшы ретінде тек ойынды ғана ойлаймыз, ал қадамдарымыз туралы ойлаған жоқпыз, өйткені біз бірінші ойында ірі есеппен алға шықтық.

– Елордалықтар сапынан кімді атап өте аласыз?

- Маған тоғызыншы нөмірдегі шабуылшы ұнады (Рай Влут - еск. Prosports.kz).

- Келесі қарсыластарыңыз словакиялық «Трнава» командасы болады. Оларға қарсы мүмкіндіктеріңізді қалай бағалайсыз?

- Біз өз мүмкіндігімізді әлі бағалай алмаймыз, өйткені жексенбіде чемпионатта ойын бар. Біздің бапкерлер штабы көмектеседі және олардың күшті және әлсіз жақтары туралы айтып береді. 

- «Ракувтағы» сәтті ойындардан кейін Украина құрамасына шақырту алуға үміттенесіз бе?

- Ұлттық құрамаға кіру үшін қолымнан келгеннің бәрін жасап жатырмын. Ұлттық құрама сапында ойнау – әрбір ойыншы үшін құрмет. Бірақ бұл бас бапкерге байланысты.

Фото ашық дереккөздерден

Ошибка в тексте? Выделите и нажмите Ctrl+Enter
Пікірлер 0