«Барыс» ҚХЛ-дің жаңа маусымындағы алғашқы матчын қашан өткізеді?

«Барыстың» Құрлықтық хоккей лигасы жаңа маусымындағы алғашқы матчы 3 қыркүйекке жоспарланған, деп хабарлайды Prosports.kz тілшісі елордалық клубтың баспасөз қызметіне сілтеме жасап.

Бұл күні Андрей Скабелка шәкірттері сырт айдында минскілік «Динамомен» кездеседі.

Қазақстандық ұжымның өз айдынындағы алғашқы матчы 13 қыркүйекте өтеді. Ол кезде «Барыстың» қарсыласы Челябинсктің «Трактор» клубы болады.

2022/23 жылғы маусымның толық күнтізбесі 18 шілдеде жарияланады.