Шағын футболдан Қазақстан құрамасы Еуропа чемпионатының жартылай финалына шықты
Словакияда 6х6 форматты шағын футболдан Еуропа чемпионаты өтіп жатыр, деп хабарлайды Prosports.kz сайты ҚФФ-ға сілтеме жасап.
Турнирдің ширек финалында Қазақстан құрамасы Венгрияны жеңіп (1:1, пен. – 3:2), жартылай финалға жолдама алды.
Бұған дейін Қазақстан құрамасы F тобында үш ойын өткізген болатын: Грекиямен тең түсіп (2:2), Англияны жеңіп (2:1), Израильге есе жібердік (2:5). 1/8 финалында қазақстандықтар Черногорияны жеңді (3:3, пен. – 4:3).
Жартылай финалда біздің отандастарымыз Әзербайжан командасымен кездеседі. Матч бүгін, елорда уақытымен 22:00-де басталады.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или