Санат Жұмаханов Бірінші лиганың сәуір айындағы үздік ойыншысы атанды

Қазақстан кәсіпқой футбол лигасы 2022 жылдың сәуір айының қорытындысы бойынша Біріншіліктің үздік ойыншысын анықтау мақсатында Бірінші лига командаларының бапкерлері мен капитандары арасында сауалнама өткізді.

Сауалнама қорытындысы бойынша өткен айда Бірінші лиганың үздік футболшысы болып «Оқжетпес» шабуылшысы Санат Жұмаханов атанды. Бапкерлер мен капитандардың дауыстарын қосу нәтижесінде тәжірибелі Жұмаханов 38 ұпай жинады.

Екінші орынды иеленген «Қайсардың» жартылай қорғаушысы Руслан Сақалбаев 17 ұпай жинады. 15 ұпаймен үздік үштікке «Яссы» командасының ойыншысы Нұрдәулет Ағзамбаев кірді.