Теннисші Елена Рыбакина Рим турнирінің үшінші айналымына шықты
<span>Қазақстанның бірінші, әлемнің 17-ракеткасы Елена Рыбакина Рим WTA 1000 турнирінің үшінші айналымына шықты, деп хабарлайды Prosports.kz тілшісі ҚазАқпаратқа сілтеме жасап. </span>
<span>Қазақстандық теннисші екінші кездесуін дүниежүзілік рейтингте 102-орында тұрған америкалық Лорен Дэвиспен өткізді. </span>
<span>Бұл олардың спорттық жолындағы өзара бірінші бәсекесі еді. </span>
<span>Бірінші партияда Е. Рыбакина 4:1 есебімен алға кеткенімен, қарсыласы таразы басын теңестірді – 4:4. Дегенмен, Елена тағы бір брейк жасап, сетке доп бергенде, өз мүмкіндігін мүлт жіберген жоқ – 6:4. </span>
<span>Екінші сетте қазақстандық теннисші 3:0 есебімен алға кетті. Содан кейін осы басымдылығынан айырылған жоқ – 6:3. </span>
<span>Сағат жарымнан астам уақытқа созылған матч барысында </span><span>Е. Рыбакина 6 эйс жасап, 4 брейк-пойнтты түгел пайдаланды.</span><span> Қарсыласы 2 брейктен (8 брейк-пойнт) аса алған жоқ. </span>
<span>Е. Рыбакина жүлде қоры 2,5 млн еуродан асатын доданың ширек финалына шығу үшін әлемнің 6-ракеткасы, чехиялық Каролина Плишкова немесе рейтингте 29-сатыдағы швейцариялық Хиль Белен Тайхманның біреуімен таласады. </span>
<span>Бүгін сондай-ақ, Юлия Путинцева Римде әлемнің 10-ракеткасы, испаниялық Гарбинье Мугурусамен ойнайды.</span>