Қазақстандық дзюдошылар Бразилиядағы сурдлимпиадада тағы 3 медаль жеңіп алды

<span>Бразилияның Кашиас-ду-Сул қаласында өтіп жатқан 24-ші жазғы сурдлимпиадалық ойындарда қазақстандық дзюдошылар тағы үш медаль жеңіп алды, деп хабарлайды Prosports.kz тілшісі ҚазАқпаратқа сілтеме жасап. </span>

<span>Қазақстан дзюдо федерациясы мәлім еткеніндей, Әділбек Нұрмұхамед 60 келіге дейінгі салмақта финалда ғана қарсыласына есе жіберіп, күміс жүлдеге ие болды. </span>

<span>Сонымен қатар Шаяхмет Қанапиянов 73 келіге дейінгі салмақта қола медаль иегері атанды. Оған қоса Фериде КараОглы 48 келіге дейінгі салмақта үздік үштікке ілікті. </span>

<span>Осылайша, қазақстандық сурдодзюдошылар медаль санын 4-ке жеткізді. </span>

<span>Мұнда сурдодзюдодан Қазақстан құрамасының аға жаттықтырушысы Хайролла Лукмановтың сіңірген еңбегі мол.</span>