Оралда Қазақстан чемпионаты мәреге жетті

Оралдағы теннис орталығында Тәуелсіздіктің 30 жылдығына орай ерлер мен әйелдер арасында дзюдодан Қазақстан чемпионаты мәреге жетті, деп хабарлайды ҚазАқпарат.

<span>Қазақстан дзюдо федерациясы мәлім еткендей, жарыстың үшінші күні бес салмақ дәрежесінде жеңімпаз-жүлдегерлер анықталды.</span>

<span> Ерлер арасында 90 кг салмақта финалда шымкенттік Ерсұлтан Мұзаппаровтан айласын асырған ақтөбелік Әділет Миссин үздік шықты.</span>

<span> Алматылық Ерасыл Жаңатаев пен атыраулық Сұңғат Закарияев қола жүлдеге ие болды. </span>

<span>100 келіге дейінгі салмақта қызылордалық Нұрлыхан Шарханның мерейі үстем болды. Қарағандылық Ерқанат Молдағұлов екінші, павлодарлық Серік Сәлменов пен тағы бір қызылордалық Айбек Серікбаев үшінші орынға көтерілді. </span>

<span>Аса ауыр салмақта (+100 кг) батысқазақстандық Темірлан Көлбай қарсыластарының бәрінен басым түсіп, жеңімпаз атанды. </span>

<span>Шығысқазақстандық Әділ Оразбаев күміс, жамбылдықтар Жамбыл Тұрғынәлиев пен Ғалымжан Қырықбаев қола медальді қанағат тұтты. </span>

<span>Осылайша біріншілік барысында батысқазақстандық бапкер Қасым Қаженовтің қос бірдей шәкірті Темірлан Көлбай мен Гауһар Ермағамбетова облыс тарихында алғаш рет Қазақстан чемпионы атағын жеңіп алды. Бұл – үлкен жетістік. </span>

<span>Әйелдер арасында чемпионаттың соңғы күні 78 келіге дейінгі салмақта ақтөбелік Аруна Жангелдинаның бағы жанды. </span>

<span>Шығысқазақстандық Назерке Тілеухановаға күміс, түркістандық Назгүл Есімбек пен шымкенттік Альбина Бахиеваға қола жүлде бұйырды.</span>

<span> Ал 78 келіден жоғары салмақта Алматы облысынан келген Кәмила Берліқаш алтынға қол созды.</span>

<span>Алматы қаласының өкілі Ақерке Рамазанова күмісті қанағат тұтса, батысқазақстандық Карина Тәкиева мен солтүстікқазақстандық Назгүл Маратова үздік үштікке ілікті.</span>