русский язык
Magzhan Football

«Қайратқа» салқынқандылық жетіспейді. Биылғы Конференциялар лигасы клубқа қажетті тәжірибе әкеледі

«Қайратқа» салқынқандылық жетіспейді. Биылғы Конференциялар лигасы клубқа қажетті тәжірибе әкеледі
news-banner7
mobile-news-top

«Қайрат» өз алаңында «Карабахтан» 1:2 есебімен жеңіліп, өз тобында соңғы орында қалды. Клуб Конференциялар лигасының плей-офф кезеңіне шығу мүмкіндігінен айырылды.

Мағжан Мырзағалидің алматылықтардың Әзербайжан командасына қарсы ойыны туралы тексті.

«Қайрат» бірінші таймды жақсы өткізді. Олар үзіліске есептегі басымдықпен кетуі керек еді.

Матчтың басында Абделла Зубирдің офсайдта қалған мүмкіндігін санамасақ, бірінші таймда «Қарабах» тек «Қайраттың» қақпасына жақындаумен ғана шектелді.

Ал шабуылда алматылық клуб үш айқын мүмкіндік ұйымдастырды, бірақ оларды голға айналдыра алмады. Вороговскийдің кросынан кейін Косовичтің баспен жасаған соққысын әзербайжандық қақпашы Шахрудин Магомедалиев қайтарды, оң қапталдағы Косович пен Камоның комбинациясынан кейін Хосе Канте қонақтар қақпасының бос бұрышын дәл көздей алмады, таймның ең соңында Вагнер Лав Магомедалиевпен бірге-бір шығып, допты бағанаға тигізді.

Екінші таймда «Карабах» «Қайратқа» мүмкіндіктерді еркін ұйымдастыруға жол бермеді.

Алматылықтар үзілістен кейін алғашқы мүмкіндікті Вагнердің көмегімен тек 56-минутта ғана ұйымдастырды. Ал 58-минутта «Карабах» матчтағы өзінің алғашқы айқын мүмкіндігін бірден голға айналдырды. Жылдам шабуылда Ибраима Ваджи допты қабылдап, командасының шабуылын сенімді аяқтады.

Гол жібергеннен кейін «Қайрат» қобалжып, доптан жиі айырылып, тәртіп бұза бастады.

Еурокубоктағы тәжірибелі команда мен дебютант арасындағы айырмашылық осында көрінді. Бакуде өткен бірінші матчта «Қайраттың» голынан кейін «Карабах» серпілмей, сабырмен шабуыл жасап, қарсыласына қысым көрсетуге тырысса, кеше «Қайрат» жіберіп алған допқа психологиялық тұрғыда төтеп бере алмады.

Алайда, «Қайрат» 68-минутта кенеттен есепті теңестірді. Бірақ бұл гол екінші тайм логикасынан шықпады. Соғылған гол толығымен Хосе Кантенің еңбегі. Оның шеберлігінің арқасында «Қайрат» ойынға оралды.

Жалпы, «Қайраттың» құрамында Хосеге ғана аз сұрақ туындайды. Алматылықтар сапында алаңдағы ең үздік ойыншы.

72-минут. «Карабах» алаңның ортасынан Зубирге допты асырды, «Қайраттың» қорғанысы мен қақпашысы арасындағы түсініспеушілік нәтижесінде «Қайрат» есепте тағы да артта қалды.

Екінші доптан кейін «Қайраттың» ойынында тағы жиі қателесу пайда болды.

Ауысымдар да түсініксіз. Олар неге кеш жасалды? Жоао Пауло мен Гүлжігіт Әліқұлов не себепті алаңға шықпады? Неліктен команда жеңіліп жатса да, үш орталық қорғаушымен ойнай берді? Түсініксіз.

Матч соңына дейін «Қайрат» азды-көпті екі-ақ қауіпті шабуыл жасады. 80-минутта Кантеден пас алған Вагнердің соққысы әлсіз шықты, ал 90-минутта Рикарду Алвештің тепкен добын Магомедалиев тағы да қайтарды.

Бұл екі матч клубтардың айырмашылығын көрсетті. Әзербайжандықтар бапкерімен ұзақ уақыт жұмыс істеп келе жатқан және матчтардың кез келген бөлігінде не істеу керегін жақсы білетін, дамыған және жетілген команда. «Карабах» еурокубоктағы тәжірибесін тиімді пайдалануда және бұл тәжірибе оларға лайық нәтижелер әкеліп жатыр.

P.S. Кеше стадионға келген 2 638 адамға бөлек құрмет. Бұл кездесу Алматы жаңа заманауи футбол стадионға көптен бері зәру екені тағы бір дәлелденді.

Фото: «Қайрат» ФК

«Қайрат» «Карабахқа» тағы да есе жіберді

«Қайрат» қайда барады?

Түпнұсқасы: Prosports.kz Ошибка в тексте? Выделите и нажмите Ctrl+Enter
Пікірлер
;