Ақмолалық боксшы халықаралық турнирде топ жарды

Ақмолалық боксшылар Ақтауда өткен халықаралық турнирде алтын және қола медаль жеңіп алды, деп хабарлайды Prosports.kz.

Бұл туралы Ақмола облысы дене шынықтыру және спорт басқармасының баспасөз хатшысы Махаббат Большина хабарлады.

Ақтауда бокстан КСРО спорт шебері, қазақстандық бокстың негізін қалаушы Шоқыр Бөлтекұлын еске алуға арналған ересектер арасында XIII Халықаралық турнир аяқталды.

Ақмола облысының боксшылары келесі нәтижемен өнер көрсетті: Оразбек Асылқұлов чемпион атанды, ал Тимур Қабдешов қола медальға ие болды.