«Қайрат» сырт алаңда «Ордабасыдан» ұтылды. Әбікен кезекті рет алаңнан қуылды

Шымкенттік «Ордабасы» өз алаңында «Қайратты» ұтты, деп хабарлайды Prosports.kz.

Алаң қожайындары бірінші таймда екі гол соғып, екеуін де стандарттан қарсылас қақпасына енгізді. Алматылықтар 0:2 ұтылып жатқан кездек, команда жартылай қорғаушысы Айбол Әбікен қызыл қағаз алды. 25 жастағы футболшы маусымда екінші рет алаңнан қуылып отыр. Бір ойыншыға кем қалған «Қайрат» екінші таймда бір доп қана соға алды.

2:1 есебімен ұтқан «Ордабасы» 30 ұпай жинап, бесінші орынға көтерілді. 37 ұпайы бар «Қайрат» үшінші орында қалды.

«Ордабасы» — «Қайрат» 2:1 (2:0)

Гол cоққандар: Диакате 10 (1:0), Клещенко 31 (2:0), Канте пенальти 73

Алаңнан қуылды: Әбікен 36.