Қазақстандық боксшы АҚШ-тағы алғашқы жекпе-жегін өткізеді

Қазақстандық боксшы Темірлан Райымқұлов (2-1-2, 0 КО) АҚШ-тағы алғашқы жекпе-жегін өткізуге келісімшарт жасасты, деп жазады Prosports.kz.

Бұл туралы спортшы инстаграм желісінде жариялады.

«9 қазанда жекпе-жек өткізу туралы келісімшартқа қол қойдым. Кездесуге дайындықты жалғастырамын. Менеджерім мен жаттықтырушым Келли Соверге көп рақмет. Мақсатыма жетер жолындамын», - деп жазды ол.

Айта кетейік, Райымқұлов 9 қазанда Филадельфияда америкалық Джадон Эрвинмен (1-0, 0 КО) кездеседі.