Әлем чемпионаты: Қазақстан жекелей сынды бір күміс жүлдемен аяқтады

<span>Будапештте дзюдодан әлем чемпионаты жалғасып жатыр. Жекелей сындар бойынша жарыстың соңғы күнінде Қазақстан сапынан татамиге үш балуан шықты. </span>

<span>Бүгін, 12 маусым күні Венгрия астанасы Будапештте дзюдодан ерлер арасында 100 келіден жоғары, ал әйелдер арасында 78 келіден жоғары салмақ дәрежелерінде өзара мықты анықталады.  </span>

<span>Аса ауыр салмақта сынға түскен қазақстандық Ерасыл Қажыбаев іріктеу кезеңінен аса алмады. Ол алғашқы белдесуде израильдік Ор Сассонды жеңгенімен, екінші кездесуінде тәжікстандық Темур Рахимовқа жол берді.  </span>

<span>Ал әйелдер арасында Маратова Назгүл мен Камила Берліқаш жарысты алғашқы айналымда-ақ аяқтады.  </span>

<span>Айта кетерлігі, Қазақстан аталған әлем біріншілігінде бір күміс жүлде жеңіп алды. Ол 60 келіге дейінгі салмақ дәрежесінде күрескен Ғұсман Қырғызбаевқа тиесілі. Сондай-ақ, Мағжан шамшадин (60 кг) мен Елдос Жұмақанов (66 кг) қолаға қол созым жерден тоқтаса, Ислам Бозбаев (90 кг) жарысты жетінші орынмен аяқтады.  </span>

<span>Ертең, 13 маусым аралас командалық сайыс бойынша өзара мықты анықталады. Қазақстан құрамасы алғашқы кездесуін Бразилия құрамасына қарсы өткізеді. </span>