«Сарыарқа» шабуылшымен келісімшарт жасасты

Шабуылшы Вадим Зеленков «Сарыарқамен» келісімшарт жасасты, деп хабарлайды Prosports.kz клуб баспасөз қызметіне сілтеме жасап.

Хоккейшімен еңбек келісімі екі маусымға жасалған. 

Вадим - Ангар хоккей мектебінің түлегі. Қазақстан чемпионатындағы дебютін 2017/18 жылғы маусымда елордалық «Номадта» бастап, 11 ойында бір шайба салған.

Кейінгі маусымда «Теміртау» сапында ойнап, артынша «Сарыарқаға» ауысқан. Қарағандылық клубпен бірге Вадим 2018/19 жылғы маусымда Жоғары хоккей лигасында топ жарған болатын.