Азамат Дәулетбеков Олимпиадаға іріктеу турнирінің ширек финалына өтті

Болгарияның София қаласында күрес түрлерінен Олимпиадаға іріктеу турнирінің бірінші жарыс күні өтіп жатыр. 86 келіде белдесетін қазақстандық Азамат Дәулетбеков жарыстың ширек финалына өтті деп жазады Olympic.kz.

1/8 айналымда Азамат германиялық балуан, 2019 жылғы Еуропа ойындарының қола жүлдегері Ахмед Дударовпен кездескен болатын.

Тартысты жекпе-жекте Дәулетбеков 5:4 есебімен жеңіске жетті. 1/16 айналымда Азамат Дәулетбеков колумбиялық қарсыласын жарыс жолынан шығарды.