УЕФА Суперлига қатысушыларын қатаң санкциялармен қорқытты
Қазақстанның және әлемнің спорт жаңалықтарына жазылыңызУЕФА еуропалық Суперлигаға қатысатын футболшылар мен клубтарға санкция енгізуі мүмкін, деп хабарлайды Prosports.kz.
Жаза қандай болуы мүмкін екенін италиялық журналист Николо Скира Твиттерде жазды: «УЕФА Суперлигаға қарсы. Суперлигаға қатысатын кез келген ойыншы мен клуб УЕФА мен ФИФА ұйымдастыратын еуропалық және халықаралық барлық жарыстан шеттетіледі».
Қазіргі уақытта еуропалық 12 топ-клуб Суперлигаға қатысатынын хабарлады. Бұл - «Милан», «Арсенал», «Атлетико», «Челси», «Барселона», «Интер», «Ювентус», «Ливерпуль», «Манчестер Сити», «Манчестер Юнайтед», мадридтік «Реал» мен «Тоттенхэм».
Турнирде 20 команда (15 негізін қалаушы клуб пен өткен маусымның үздік 5 клубы) ойнайды деп жоспарланып отыр.