«Финал оңай болған жоқ». Олег Болтин - еркін күрестен Азия чемпионаты туралы

Еркін күрестен 125 келіге дейінгі салмақта Азия чемпионы атанған Олег Болтин құрлық додасындағы жетістігінен соң кішігірім сұхбат берді, деп жазады Olympic.kz.

«Финал оңай болған жоқ. Қарсыласым өте тәжірибелі балуан. Соңғы секундтарға дейін ұтылып жаттым. Бірақ жаратқан кезекті рет мүмкіндік берді. Алматыда, өз жерімізде жеңіске жеткенім үшін қуаныштымын. Қазір командада менің салмағымдағы бәсекелестік жоғары. Юсуп Батырмұрзаев екеуміз басты қарсыластармыз. Мен оның былтырғы жетістігін қайталадым. Енді одан әрі тынымсыз жаттығып, үлкен мақсаттар қоямыз. Бүгінгі жеңіс мен үшін үлкен қуаныш», - дейді Болтин.

Айта кетелік, финалда Олег Болтин қырғызстандық балуанды жеңді.