Эльмира Сыздықова Азия біріншілігінде жеңіске жетті

Қазақстандық Эльмира Сыздықова Алматыда өтіп жатқан әйелдер күресінен Азия чемпионатында алтын медаль жеңіп алды, деп хабарлайды Prosports.kz.

Ол 76 келіге дейінгі салмақта жеңіс тұғырының бірінші сатысына көтерілді.

Финалда спортшы қырғыз қызы Айпери Медетқызың жеңді. 

Бұған дейін 50 келіге дейінгі салмақта белдескен қазақстандық Валентина Исламова-Брик турнирде топ жарған еді.