ESPN телеарнасы Геннадий Головкинді номинацияға ұсынды

ESPN телеарнасының Твиттері өз оқырмандарына қазіргі боксшылар ішінен ең үздік джеб көрсеткен боксшыны таңдауды ұсынды, деп хабарлайды ҚазАқпарат.

Бұл тізімге қазақстандық орта салмақтағы боксшы Геннадий Головкин де енді. Көптеген сарапшы мен жанкүйер джеб оның басты қаруы дейді.

39 жастағы қазақстандыққа келер болсақ, ол өзінің соңғы айқасын желтоқсанда өткізген болатын. Аталған жекпе-жекте Головкин жетінші раундта поляк Камил Шереметаны «мерзімінен бұрын жеңді». Геннадий мамырда шаршы алаңға қайта оралып, мексикалық Хайме Мунгиямен кездесуі керек еді. Алайда бұл айқас болмайды. Енді GGG-дің ықтимал қарсыласы – жапон боксшысы Риота Мурата.