Олимпиадаға іріктеу: Тұрсынов бірінші белдесуде жеңіске жетті

<span>Алматыда өтіп жатқан күрес түрлерінен Азия аймақтық іріктеу турнирін қазақстандық Нұрсұлтан Тұрсынов жеңіспен бастады, деп жазады Prosports.kz Олимпиада комитетінің сайтына сілтеме жасап. </span>

<span>Грек-рим күресінен 87 келіге дейінгі салмақта бақ сынайтын Тұрсынов алғашқы айналымда жапониялық Масато Сумимен кездескен болатын. Тартысты белдесуде 5:3 есебімен Нұрсұлтан жеңіске жетті. </span>

<span>Бұған дейін 67 және 97 келіге дейінгі салмақтарда белдескен Мейіржан Шермаханбет пен Олжас Сырлыбай жеңіліске ұшыраған болатын.  </span>

<span>Айта кетейік, Алматыдағы іріктеу турнирінде финалға шыққан балуандар Токио Олимпиадасының жолдамасын еншілейді. </span>