Екі дзюдошымыз Азия чемпионатының қола жүлдесін сарапқа салады

<span>Бішкекте дзюдодан Азия чемпионатының үшінші жарыс күнінде қос қазақстандық спортшы жұбаныш финалына жолдама алды. </span>
<span>Ерлер арасында аса ауыр салмақта татамиге шыққан Ерасыл Қажыбаев пен әйелдер арасында 78 келіден жоғары салмақта белдескен Камила Берліқаш жарыстың қола жүлдесін сарапқа салады. </span>
<span>Ерасыл Қажыбаев жұбаныш кездесуінде өзбекстандық Әлішер Юсуповты ұтса, Камила Берліқаш қырғызстандық Нагира Сарбшованы ұтты. </span>
<span>Қола жүлде үшін белдесуде Ерасыл Қажыбаев тәжікстандық Темур Рахимовпен кездессе, Камила Берліқаш Оңтүстік Корея спортшысы Хаян Киммен белдеседі. Жарыстың финалдық кезеңі Нұр-Сұлтан уақытымен сағат 17:00-де басталады. </span>
<span>Айта кетерлігі, 90 келіге дейінгі салмақ дәрежесінде күрескен Ислам Бозбаев жұбаныш кездесуінде қырғыз балуаны Ерлан Шеровқа есе жіберді. Сондай-ақ, 100 келіде белдескен Айбек Серікбаев та жарысты сәтсіз аяқтады. </span>