Дзюдодан Grand Slam Қазақстан үшін сәтсіз аяқталды

<span>Бұл күндері Түркияның Анталия қаласында дзюдодан әлемдік Grand Slam жарысы өтіп жатыр. Жарыстың екінші күнінде қазақстандық спортшылар жеңіс тұғырына көтеріле алмады, деп хабарлайды Olympic.kz. </span>

<span>Қазақстан құрамасының спортшылары бүгін екі салмақ бойынша татамиге шықты.  </span>

<span>73 келіге дейінгі салмақта белдескен Жанболат Бағытбергенов пен Аңсарбек Ғайнуллин ширек финалдық жолдама үшін күресте қарсыластарына есе жіберді. Жанболат тәжірибелі швед Матиас Томмиден, Аңсарбек бельгиялық  Жерон Касседен ұтылды.  </span>

<span>Ал 81 келіге дейінгі салмақ дәрежесінде Мәди Амангелдіні екінші айналымда Италия спортшысы Эспасито Антонио жарыстан шығарды.</span>