Токио Олимпиадасы: әйелдер арасындағы гандбол жарысына қай елдер қатысады?
Гандболдан әйелдер құрамасы арасындағы Токио Олимпиадасына іріктеу сатысы аяқталды, деп хабарлайды ҚазАқпарат.
<span>Қазақстан құрамасы сынға түсетін екінші топтағы іріктеу ойындары Венгрияда өтті. Қазақстандық гандболшылардың қарсыластары Венгрия, Ресей және Сербия құрамалары болды. Отандастарымыз барлық кездесуде қарсыластарына жеңілді. Алдымен Венгриядан 19:46, одан кейін Ресейге 26:33 есебімен жол берді. </span>
<span>Үшінші ойында Сербиямен шеберлік байқасып, оларға 30:42 есебімен есе жіберді. </span>
<span>Нәтижесінде екінші топтан Венгрия және Ресей құрамалары Токио Олимпиадасына жолдама алды. Өзге топтарда Испания, Швеция, Черногория, Норвегия құрамалары осындай мүмкіндікке ие болды.</span>
<span>Токио Олимпиадасында гандболдан әйелдер арасында барлығы 12 құрама сынға түседі. Бүгінге дейін аталған турнирге Жапония, Франция, Бразилия, Оңтүстік Корея, Ангола, Нидерланды құрамалары жолдама алған еді. </span>
<span>Естеріңізге сала кетелік, құрамамыз 2008 жылы Олимпиада ойындарында бақ сынап, жалпы командалық есепте оныншы орынға табан тіреген болатын.</span>