Елорда мен Шымкентте теннис турнирінің жеңімпаздары анықталды
Елордада ITF Men’s World Tennis Tour Nur-Sultan турнирінің жеңімпаздары анықталды, деп хабарлайды Prosports.kz сайты ҚазАқпаратқа сілтеме жасап.
<span>Қазақстан теннис федерациясы мәлім еткеніндей, жүлде қоры 15 АҚШ долларына бағаланған додада жекелей сында 19 жастағы фин теннисшісі Отто Виртанен жеңіске жетті. </span>
<span>Ол финалда германиялық Матц Розенкранцты 7:5, 6:3 есебімен тізе бүктірді. </span>
<span>О.Виртанен жартылай финалда Польша өкілі Михал Дембекті 3:6, 6:3, 6:4 есебімен қапы қалдырды. Фин теннисшісі ширек финалда италиялық Маттео Донатиді, екінші айналымда отандасы Патрик Никлас-Салминенді, бастапқы кездесуінде ұлыбританиялық Оскар Уайтманды ұтты. </span>
<span>ITF Men’s World Tennis Tour сериясында екінші жеңісіне қол жеткізген О.Виртанен Нұр-Сұлтанда өтетін келесі осындай жарыста да барын салатынын мәлімдеді. </span>
<span>Жұптық сында Беларусь өкілдері Ярослав Шил мен Иван Лютаревич үздік шықты. Олар финалда италиялықтар Франческо Форти мен Франческо Маестреллиді жеңді.</span>
<span>Сонымен қатар Шымкент қаласында әйелдер арасында ITF турнирі (жүлде қоры – 15 мың АҚШ доллары) мәреге жетті.</span>
<span> Мұнда осы доданың 2-ракеткасы, Беларусь теннисшісі Юлия Готовконың мерейі үстем болды. Ол финалда ресейлік Анастасия Тихонованы 7:5, 6:2 есебімен ұтты. </span>
<span>Ю.Готовко ширек финалда қазақстандық Жібек Құламбаевадан да айласын асырып кетті.</span>
