Нұр-Сұлтанда дзюдо орталығы ашылды

<span>Бүгін, 2 ақпан күні Нұр-Сұлтанда «Сарыарқа» велотрегінде дзюдо орталығы ашылды. </span>

<span>Ашылу салтанатына ҚР Мәдениет және спорт министрінің орынбасары Сәкен Жүнісбекұлы Мұсайбеков пен Қазақстан дзюдо федерациясының президенті Қайрат Пернешұлы Қожамжаров қатысты.</span>

<span> «Бүгінгі ашылып отырған дзюдо орталығында 6 жастан 17 жасқа дейінгі балалар жаттығатын болады. Аталған спорттық көпфункционалдық кешен әлемдік стандарттарға сай. Осы жерде дзюдодан ҚР Ұлттық құрама команданың оқу-жаттығу жиындары өткізіледі. </span>

<span>«Дзюдо федерациясы» республикалық қоғамдық бірлестігі Қазақстан Республикасы Ұлттық Олимпиадалық комитеті және Халықаралық дзюдо федерациясымен бірлесіп, еліміздің барлық облыстары мен республикалық маңызы бар 3 қалада 5 жастан 12 жасқа дейінгі балалардың дзюдо спортымен тегін айналысуына арналған 20 спорттық секция ашты. Федерация өз кезегінде, спорттық залдарды материалдық-техникалық қамтамасыз етті. </span>

<span>Атап айтсақ, татами, кимоно беріліп, дзюдодан жаттықтырушыларды берді. Қазіргі таңда Қазақстанда  2 582 секцияда 87 293 адам дзюдомен айналысады. Нұр-Сұлтан қаласында 63 секцияда 6 358 адам осы спортпен шұғылданады», деп атап өтті ұлттық федерация президенті Қайрат Қожамжаров. Айта кетерлігі, жаңадан ашылған дзюдо орталығында 120-дан астам дзюдошы жаттығады. </span>

<span>Қазір негізгі залдың көлемі 410,4 шаршы метрді құрайды. Бұл бір мезетте 100 адамның емін-еркін дайындалуына мүмкіндік береді. Ал, орталықтың жалпы аумағы 721,2 шаршы метрді алып жатыр. </span>

<span>Бұл жерге киім ауыстыратын және басқа да бөлімдер кіреді. </span>