Дохадағы Masters турниріне 400-ден аса дзюдошы қатысады

Ертең, 11 қаңтар күні, Катар астанасы Дохада дзюдодан Masters халықаралық турнирі басталады, деп хабарлайды Olympic.kz.

Аталған сынға Қазақстан командасы қатысады. Ұзақ уақыттан бері жарысқа қатыспаған Рио Олимпиадасының күміс жүлдегері Елдос Сметов те Доха татамиінде бақ сынайды. Жарысқа 70 мемлекеттен жалпы есебі 400 дзюдошы қатысады. 

Турнирдің бірінші жарыс күнінде біздің команда сапынан Елдос Сметов пен Ғұсман Қырғызбаев (60 келі) және Елдос Жұмақанов пен Ерлан Серікжанов (66 келі) сынға түседі. 

Финалдық кезең Нұр-Сұлтан уақытымен 20:00-де басталады.