Қазақстандық тағы бір файтер UFC-ге бағыт алды

Аса жеңіл салмақта NFC чемпионы Асу Алмабаев (12-2) 2021 жылдағы жоспарын бөлісті, деп хабарлайды Prosports.kz тілшісі.

Файтердің Instagram желісіндегі жазбасына сенсек, Алмабаев октагонға ақпанда оралатын секілді.

«Жаттығу жалғасып жатыр, келесі аялдама ақпанда. Биыл көптеген өзгеріс болады деп ойлаймын. Мен сіздер үшін, отбасым үшін және өзім үшін тырысамын. UFC-ге аз қалды", - деді файтер.

Еске салайық, 24 желтоқсанда Алмабаев бірінші раундта Дархан Сқақовты жеңіп, бос салмақтағы NFC чемпиондық белбеуін жеңіп алған болатын.