IJF 2021 жылдың жаңартылған жарыс күнтізбесін жариялады

<span>Халықаралық дзюдо федерациясы (IJF) 2021 жылға арналған жарыс күнтізбесін бекітті. Бұл туралы ұйымның баспасөз қызметі хабарлады.  </span>

<span>11-13 қаңтарда Катар астанасы Дохада "Masters" турнирі өтеді.  </span>

<span>18-20 ақпан күндері Тель-Авив «Үлкен Дулыға» бәсекесін қабылдайды. Аталған сында әрбір салмақтағы жеңімпаздар 1000 ұпай алатынын айта кету керек.  </span>

<span>Наурыз және сәуір айлары да жарысқа толы болмақ. 5-7 наурыз күндері Ташкентте «Үлкен Дулыға» турнирі өтсе, 26-28 наурызда Тбилиси татамиінде кезекті жеңімпаздар анықталады.  </span>

<span>«Үлкен Дулыға» бәсекесінің тағы бір кезеңін 1-3 сәуір аралығында Түркия қабылдайды.  </span>

<span>8-9 мамырда әлемнің үздік дзюдошылары Париж төріне жиналады. 6-13 маусым күндері Будапештте дзюдодан әлем чемпионаты өтеді. Әлемдік додада 14 салмақ және 1 аралас командалық сын жеңімпаздары белгілі болмақ.  </span>

<span>Ал жылдың басты оқиғасы шілденің аяғында өтетін Токиодағы Олимпиада ойындары. </span>

<span></span>