Биатлоннан Норвегиядағы маусымашар турнир өткізілмейтін болды

Норвегияда биатлоннан 13-15 қарашаға жоспарланған маусымашар турнир өткізілмейтін болды.

Алғашында турнир Шушен қаласында өтеді деп шешілген. Алайда, жергілікті билік коронавирус індетіне байланысты ауқымды іс-шараларды өткізуге шектеу қойды.

«Шектеуге байланысты тәуекел ете алмаймыз. Қала тұрғындары мен спортшылардың денсаулығын маусым алдында қатерге тігу қауіпті. Норвегия билігінің COVID-19 індетіне қатысты қабылдаған жаңа шешімдеріне байланысты жарысты өткізбейміз», - дейді ұйымдастырушылар.