Бақытжан Төребеков: Жасөспірімдер үлкен спортқа кәсіби спортшы ретінде алғашқы қадамдарын жасап жатыр

Дзюдодан Қазақстан жасөспірімдер командасы Алматы қаласында оқу-жаттығу жиындарын өткізіп жатыр. Құраманың аға жаттықтырушысы Бақытжан Төребеков ҰОК сайтына ұзақ үзілістен кейінгі алғашқы жаттығу жиындары туралы айтып, алдағы жоспарымен бөлісті.<br /><br /><span>«Қазіргі таңда жасөспірім дзюдошылар Алматы қаласында оқу-жаттығу жиынына қатысып жатыр. Жиынға өңірлерден 70-ке жуық спортшы шақырту алды. Қатысушылар ішінде 2003 жылғы жасөспірімдермен қатар, 2004-2005 жылы туған жас татами шеберлері де бар. 2004-2005 жылғы спортшыларды шақырудағы мақсат – алдағы жарыстарға дайындалып, осындай үлкен оқу-жаттығу жиындарына үйрету. Себебі, олар біздің болашағымыз, қазіргі спортшылардың ізбасарлары. Дәл қазір жасөспірім кезеңде балалар үлкен спортқа кәсіби спортшы ретінде алғашқы қадамдарын жасап жатыр.</span><br /><br /><span>Жыл басында 2003 жылғы спортшылар арасында Қазақстан чемпионатын өткізіп, 2020 жылға құраманы жасақтағанымызбен пандемияға байланысты спортшылар әлемдік жарыстарға шыға алмады. Жарыстар мен бірлескен оқу-жаттығу жиындарының аздығы болашақта кері әсерін тигізуі әбден мүмкін. Бүгінгі жасөспірімдер ертең жастарда, одан кейін ересектерге өтеді. Жасөспірім буынның өз кезегінде жарыссыз, жаттығусыз жастарға көшуі өздеріне де оңайға соқпасы анық.</span><br /><br /><span>Қазір жас мөлшеріне бөлмей жасөспірімдердің барлығын бірге жаттықтырып жатырмыз. Осы қарқынмен жүйелі жұмысты жалғастырып, Қазақстан біріншілігіне команданы реттейміз. Атап айтқанда, 2004-2005 жылғы жасөспірімдер арасында құраманы жасақтаймыз деген жоспардамыз», - дейді құраманың аға жаттықтырушысы Бақытжан Төребеков.</span><br /><br /><span>Айта кетерлігі, жасөспірімдер командасының жаттығу жиындары 19 қазанға дейін жалғасады.</span>