«Бавария» - Чемпиондар лигасының жеңімпазы
Қазақстанның және әлемнің спорт жаңалықтарына жазылыңызМюнхендік «Бавария» Чемпиондар лигасының жеңімпазы атанды, деп хабарлайды Prosports.kz тілшісі.
«Сегіздің финалы» форматында өткен турнирдің ақтық сынына «Бавария» мен франциялық ПСЖ шыққан. Финал Лиссабондағы «Эштадиу да Луш» стадионында өтті.
Матчтың бірінші таймында жанкүйерлер гол көре алмады. Ал үзілістен кейін соғылған жалғыз гол ойын тағдырын шешті. 59-минутта оң қапталдан әуелеген допты Кингсли Коман баспен ПСЖ қақпасында тоғытқан. Бұл гол «Баварияға» жеңіс сыйлады.
Осылайша, германиялық клуб Кәрі құрлықтың клубтар арасындағы басты додасында алтыншы рет топ жарды. Ал ПСЖ Чемпиондар лигасының финалына алғаш рет шыққан болатын.
«Бавария» (Мюнхен) - ПСЖ (Париж) 1:0 (0:0)
Гол: Коман 59.